പൂജാപുഷ്പങ്ങള്‍ കൈകാര്യം ചെയ്യുമ്പോള്‍ ശ്രദ്ധിക്കേണ്ട കാര്യങ്ങള്‍

ശരീരശുദ്ധിയോടെ വേണം പൂജയ്ക്കുവേണ്ടി പൂക്കള്‍ ഇറുക്കേണ്ടത്. തുളസിയിലയും, കൂവളത്തിലയും ഓരോ ഇതളായി പറിക്കരുത്. അശുഭങ്ങളായ വാരങ്ങള്‍,നക്ഷത്രങ്ങള്‍, നിത്യയോഗങ്ങള്‍ എന്നിവയില്‍ ഇവ പറിക്കരുതെന്ന് വിധിയുണ്ട്. തുളസിയിലയും കൂവളത്തിലയും വാടിയാലും ഉണങ്ങിയാലും അതിന്‍റെ വൈശിഷ്ട്യം നഷ്ടപ്പെടുന്നില്ല. അതുകൊണ്ടുതന്നെ പൂജകള്‍ക്ക് ഉപയോഗിക്കുകയും ചെയ്യും. പൂജിച്ച പൂക്കള്‍. മണപ്പിച്ച പൂക്കള്‍, വാടിയ പൂക്കള്‍, മൊട്ട്, നിലത്തുവീണ പൂക്കള്‍ ഇതള്‍ നഷ്ടപെട്ട പൂക്കള്‍ , ദ്വാരത്തോടുകൂടിയ പൂക്കള്‍, തലമുടി, പുഴു, തുടങ്ങിയവ കാണപ്പെടുന്ന പൂക്കള്‍, എന്നിവ പൂജകള്‍ക്ക് നിഷിദ്ധമാണ്.